ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի շրջակա միջավայրի, պարենի եւ գյուղատնտեսության զարգացման նախարարությունում պարենային մատակարարումների ապահովման նոր փոխնախարար Է նշանակվել՝ առանց Բրյուսելի հետ համաձայնագրի հասնելու ԵՄ-ից երկրի դուրս գալու հետ կապված երկյուղների ֆոնին: Այդ մասին սեպտեմբերի 27-ին հայտնել Է The Guardian թերթը, տեղեկացնում Է «Արմենպրես»-ը:

Պաշտոնում նշանակվել Է Միացյալ Թագավորությունում PepsiCo ընկերության նախկին գործադիր տնօրեն, բրիտանական խորհրդարանի պատգամավոր Դեւիդ Փաթլին: Կառավարության այդ քայլը «պարենի ինդուստրիայի ներկայացուցիչները ողջունել են այն մասին հաղորդագրություններից հետո, որ բրիտանական նավահանգիստներում եւ իռլանդական սահմանին անհրաժեշտ արտադրանքի մատակարարումների ընդամենը կեսժամյա ուշացման արդյունքում՝ կապված մաքսային հսկողության հետ, կարող Է սնանկանալ թագավորության ընկերությունների 10 տոկոսը», նշում Է հրատարակությունը:

«Խնդիրները նավահանգիստներում մեծ սպառնալիք են ներկայացնում (ճյուղին)»,-գաղտնիության պայմանով թերթին հայտարարել Է երկրի սննդի արդյունաբերության ղեկավարներից մեկը: «Մեծ Բրիտանիան մշտապես եղել Է պարենի զուտ ներմուծող, եւ եթե նավահանգիստներում խափանում տեղի ունենա, ապա խնդիրների կբախվեն ինչպես արտահանողները, այնպես Էլ ներմուծողները»,-ճշտել Է նա, հաղորդել Է ՏԱՍՍ-ը: