ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Առողջապահության համաշխարհային կազմակերպությունը (ԱՀԿ) աշխարհում ոգելից խմիչքների օգտագործման աճ Է կանխատեսում առաջիկա 10 տարում: Ժնեւում հրապարակված զեկույցում նշվում Է, որ ալկոհոլամոլության համար հարկ Է լինում վճարել «անընդունելի բարձր» գին եւ որ կառավարությունների կողմից «կրեատիվ որոշումներ» են հարկավոր այս խնդրի լուծման համար, տեղեկացնում Է «Արմենպրես»-ը:

Ինչպես հետեւում Է զեկույցից, աշխարհում 237 մլն տղամարդ եւ 46 մլն կին «տառապում են ալկոհոլի հետ կապված խանգարումներից»: Այս խանգարումներն ավելի շատ տարածված են բնակչության մեկ շնչի հաշվով բարձր եկամուտներ ունեցող երկրներում: 2016 թվականին աշխարհում ոգելից խմիչքների «վնասաբեր օգտագործումից» մահացել Է ավելի քան 3 մլն մարդ (մահվան բոլոր դեպքերի 5,3 տոկոսը): «Ալկոհոլի օգտագործումից մահացությունն ավելի բարձր Է, քան այն մահացությունը, որը պայմանավորված Է տուբերկուլյոզ, ՄԻԱՎ/ՁԻԱՀ եւ շաքարախտ հիվանդություններով»,-արձանագրում են ԱՀԿ-ում:

2016 թվականին ալկոհոլի հետ կապված հաշմանդամությունը, վնասվածքները եւ հիվանդությունները կազմել են միագումար 132,6 մլն պայմանական տարի: Մինդեռ, արդեն այժմ աշխարհում 2,3 մլրդ մարդ ոգելից խմիչքներ Է օգտագործում:

Մեկ անգամ օգտագործվող խմիչքի միջին չափաբաժինը կազմում Է 33 գրամ մաքուր սպիրտ կամ երկու գավաթ գինի: Եվրոպայի, Հյուսիսային եւ Հարավային Ամերիկայի երկրների, ինչպես նաեւ Խաղաղ օվկիանոսի արեւմտյան մասի երկրների բնակիչների կեսից ավելին ալկոհոլ Է օգտագործում, հաղորդել Է ՏԱՍՍ-ը: