Թուրքիայում չորս կամուրջ Է փլվել անձրեւների պատճառով
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Թուրքիայի հյուսիսի Օրդու նահանգի Ունիե քաղաքի շրջանում չորս կամուրջ Է փլվել տեղատարափ անձրեւների պատճառով, չորս մարդ վերքեր Է ստացել: Այդ մասին, ինչպես տեղեկացնում Է «Արմենպրես»-ը, օգոստոսի 8-ին հայտնել Է Ունիեի քաղաքագլուխ Ահմեթ Չամյարը: «Մեր գյուղերում տեղատարափից հետո չորս կամուրջ Է փլվել, եւս մեկի փլուզման վտանգը պահպանվում Է:
Կամուրջների փլվելու հետեւանքով կոտրվածքներ են ստացել չորս մարդ, որոնց տեղափոխել են հիվանդանոցներ, տեքստիլ ֆաբրիկայի 165 աշխատող տարհանման կարիք ունի: Զոհվածների վերաբերյալ տեղեկատվություն առայժմ չկա: Փրկարար խմբերը ուղղաթիռների օգնությամբ տարհանման աշխատանքներ են կատարում»,-ասել Է Չամյարը՝ NTV հեռուստաալիքի եթերում: Նա հավելել Է, որ Թուրքիայի հյուսիսի հիմնական ավտոմայրուղում, որը ձգվում Է սեւծովյան ափի երկայնքով, «նախազգուշական նկատառումներով» երթեւեկությունը երկու ուղղությամփ փակ Է, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում