ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Լատվիայում ՀՀ դեսպան Տիգրան Մկրտչյանը հարցազրույց է տվել Լատվիայի Հանրային ռադիոյի ամենամսյա հայկական «Արևիկ» հաղորդաշարին: «Արմենպրես»-ը ներկայացնում է հարցազրույցն ամբողջությամբ:

Պարո'ն Մկրտչյան, ասել, որ Դուք զարմնացնում եք մեզ, նշանակում է ոչինչ չասել: Ձեր կազմակերպած միջոցառումների մակարդակը գնալով ավելի է բարձրանում: Ինչպե՞ս Ձեզ հաջողվեց համոզել Սերգեյ Խաչատրյանին գալ Լիտվա և մասնակցել Հայաստանի անկախության օրվան նվիրված համերգին:
-  Նախ, իհարկե, շնորհակալ եմ գնահատանքի համար: Այստեղ իրականում համոզելու խնդիր չկար: Սերգեյը հանդիսանում է իմ ընտանիքի, մեր լավ բարեկամը։ Նա, տեսնելով նախորդ երկու տարիների ընթացքում մեր ծավալած գործունեությունը, նաև այն հյուրերին, այն երաժիշտներին, և այն ուղղությունը, որն ընտրել ենք՝ ընդհանուր առմամբ մեծ շեշտ դնելով մշակութային դիվանագիտության վրա՝ որպես մեր հիմնական այցեքարտ դիվանագիտական գործունեության մեջ, համաձայնեց գալ:
Սերգեյն այդ ամեն ինչը տեսնելով և նաև ունենալով մեզ հետ ջերմ, բարեկամամական, ընկերական հարաբերություններ, վստահելով նաև մեզ, արձագանքեց իմ խնդրանքին, առանց վարանելու պարզապես համաձայնեց գալ և Հայաստանի Հանրապետության հարյուրամյակը մեզ հետ միասին այստեղ նշել. Լուսինեի հետ միասին:
Նրանք, իհարկե, երկուսով են եկել, և երկուսն էլ բավական պահանջված երաժիշտներ են աշխարհի լավագույն բեմերում և իհարկե մեծ պատիվ է նրանց ունենալ ցանկացած համաշխարհային բեմում:
Եվ կարծում եմ՝ այս միջոցառումը ոչ միայն պարզապես Հայաստնի Հանրապետությանը նվիրված տոնակատարություն էր, այլև մշակութային խոշոր միջոցառում լիտվական մշակությաին կյանքում: Եվ հանդիսատեսի արդեն իսկ ներկայությունը, նրանց արձագանքը, ակարդակը, ինչպես նաև ամենատարբեր շերտերից լիտվական ներկայացվածությունը՝ քաղաքականից մինչև մշակութային, բիզնես ոլորտ, քաղաքապետեր, մեծ թվով դեսպաններ, այս ամենը վկայում է հենց դրա մասին:
Եվ մենք իհարկե անչափ ուրախ ենք, որ շարունակում ենք ներկայացնել հայկական մշակույթը իր ամենատարաբնույթ, ամենագեղեցիկ ելևէջներով ու տարրերով։ Եվ իհարկե, մեր ժամանումից սկսած՝ դեռևս երկու տարի առաջ, երբ եկա, շարունակելով իմ նախորդ գործընկերների գործունեությունը, ովքեր նույնպես մեծ ակտիվություն էին ծավալում մշակութային դիվանագիտության ոլորտում, էլ ավելի զարկ տվեցինք դրան, հասցնելով ավելի մեծ ծավալների և աշխատելով այդ ամենն անել միաժամանակ երեք երկերներում, որովհետև, թեև այստեղ է մեր նստավայրը, բայց մենք փորձում ենք ոչ պակաս մակարդակի միջոցառումներ անել Էստոնիայում և Լատվիայում:

- Կկիսվե՞ք «Արևիկ»-ի ունկնդիրների հետ՝ որն է լինելու Ձեր հաջորդ, այսպիսի մակարդակի քայլը, և՝ որտե՞ղ:
- Շատ շնորհակալ եմ, մենք պլանավորում ենք սեպտեմբերին, ավելի շուտ փորձելու ենք ՀՀ անկախության և Առաջին Հանրապետության տոները նշել երեք երկրներում՝ և' Լատվիաում, և' Էտոնիայում, և' Լիտվայում: Լատվիայում և Էստոնիայում մենք ունենք Մշակույթի նախարարությունների հետ պայմանավորվածություն, համաձայն որի Լատվիայի երաժշտական ակադեմիայում՝ Ռիգայում, և Էստոնիայում էլ՝ Սևագլուխների տանը, (House of the Blackheads) կազմակեպելու ենք Հայկ Մելիքյանի մենահամերգները:

Հայկ Մելիքյանը երկու երկրներում էլ ունենալու է տարբեր ծրագրեր՝ Էստոնիայում շեշտը դնելով ժամանակակից էստոնացի կոմպոզիտորների, իսկ Լատվիայում՝ լատվիացի կոմպոզիտորների ստեղծագործությունների վրա, բնականաբար կատարելով նաև հայկական և համաշխարհային մեծանուն կոմպոզիտորների գործերը:
Եվ այսպես, այդ երկու համերգներից մեկը Լատվիայում տեղի կունենա սեպտեմբերի 21-ին, իսկ մյուսը՝ Էստոնաիայում՝ սեպտեմբերի 18-ին, և այնուհետև սեպտեմբերի 27-ին պլանավորում ենք Լիտվայում անկախության տոնը նշել Կադենս անսամբլին հրավիրելով:

-  Դեսպանատա՞նն էր տեղի ունենում միջոցառումը:
-  Միջոցառումը տեղի ունեցավ Կլայպեդայում: Կլայպեդայում մենք բացեցինք Սումգայիթի ողբերգության 30-րդ տարելիցին նվիրված ֆոտոցուցահանդես և այդ ցուցահանդեսի երկրորդ մասում, երբ ավարտվեց հիմնական պաշտոնական մասի բացումը, մենք նրան փոխանցեցինք ՊՆ տրամադրած մեդալը:
Նա, իհարկե, շատ հուզված էր, և նաև վիդեոկադրերում էր դա երևում: Նա կրկնեց, որ եթե նույն բանը տեղի ունենար այսօր, նա նույնկերպ կվարվեր, և թեև սարսափելի հիշողություններ ունի, թեև չի ցանկանում անընդհատ հիշել, չի էլ կարողանում մոռանալ, որովհետև այդ վայրագ գործողությունը նրան մշտապես հետապնդում է: