Ժամանակը Երևանում՝ 11:07:36,   22 Սեպտեմբեր

Կարեն Ասրյանի հուշամրցաշարի առաջատարը Ղազախստանի ներկայացուցիչն է


ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Օլիմպիական չեմպիոն Կարեն Ասրյանի շախմատային հուշամրցաշարում կայացան 3-րդ տուրի պարտիաները:

«Արմենպրես»-ի հաղորդմամբ՝ այս տուրում Հայաստանի ներկայացուցիչներից միավորը կիսեցին Մանուէլ Պետրոսյանը, Վահե Դանիելյանը, Հրանտ Մելքումյանը, Տիգրան Պետրոսյանը, Սամվել Տեր-Սահակյանը: Հաղթանակ տոնեցին Արամ Հակոբյանը, Հովհաննես Գաբուզյանը, Զավեն Անդրիասյանը և այլք:

3-րդ տուրից հետո մրցաշարային աղյուսակի միանձնյա առաջատարը Ռինատ Ջումաբաևն է, ով 3 հնարավորից ունի 3 միավոր: Հայաստանի ներկայացուցիչներից 2,5 միավոր ունեն Վահե Դանիելյանը, Արամ Հակոբյանը, Մամիկոն Ղարիբյանը, Մանուէլ Պետրոսյանը:

Ավանդույթի համաձայն՝ այս տարի ևս մրցաշարն անցկացվում է Ջերմուկում: Մրցաշարին մասնակցող ամենաբարձր վարկանիշն ունեցող մարզիկն է հնդիկ գրոսմայստեր Պենտալա Հարիկրիշնան (2666): Բարձր վարկանիշ ունեցող հայ գրոսմայստերներից մրցաշարին մասնակցում են Հրանտ Մելքումյանը, Ռոբերտ Հովհաննիսյանը, Արման Փաշիկյանը և Զավեն Անդրիասյանը:

Կարեն Ասրյանի 11-րդ հուշամրցաշարը մեկնարկեց հունիսի 21-ին և կեզրափակվի հունիսի 29-ին: Այն կունենա 9 տուր: Մրցաշարին մասնակցում է 76 շախմատիստ:

 

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ