Նաթանյահուի կնոջը խարդախության եւ պետական միջոցների վատնման մեղադրանքներ են առաջադրվել
ԵՐԵՎԱՆ, 21 ՀՈԻՆԻՍԻ, ԱՐՄԵՆՊՐԵՍ: Իսրայելի դատախազությունը շարունակական խարդախության եւ հանրային վստահության չարաշահման մեղադրանքներ Է առաջադրել Իսրայելի վարչապետ Բենիամին Նաթանյահուի կնոջը՝ Սառային: Այդ մասին, ինչպես տեղեկացնում Է «Արմենպրես»-ը, հայտնել Է Haaretz թերթը:
Մեղադրող կողմը գտնում Է, որ Սառա Նաթանյահուն անօրինականորեն ծախսել Է բյուջետային փողերը: Մասնավորապես, նա մոտավորապես 100 հազար դոլար Է ծախսել լյուքս դասի ռեստորաններից երկրի վարչապետի նստավայրի համար կերակրի պատվերների վրա: Խոսքը վերաբերում Է 2010 թվականի սեպտեմբերից մինչեւ 2013 թվականի մարտն ընկած ժամանակաշրջանում թույլ տրված խախտումներին: Վարչապետի տիկինն ինքը ավելի վաղ մերժել Է իրեն առաջադրված բոլոր մեղադրանքները:
Այս գործի շրջանակներում մեղադրանքներ են առաջադրված նաեւ վարչապետի դիվանատան գլխավոր տնօրենի նախկին տեղակալ Էզրա Սայդովին, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում