ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Ռուսաստանի չորս զինվորականներ են զոհվել Սիրիայում զինյալների գրոհի արդյունքում։ Սիրիայի հրետանու մարտկոցի կրակը ղեկավարող ռուսաստանցի երկու խորհրդատուներ զոհվել են տեղում, ևս հինգը վնասվածքներ են ստացել, և նրանցից երկուսը մահացել են, չնայած ռուսաստանյան ռազմական հոսպիտալի բժիշկների գործադրած ջանքերին, մայիսի 27-ին հայտնել են ՌԴ պաշտպանության նախարարությունում։

Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, գերատեսչության տվյալներով՝ մարտը տեղի է ունեցել Դեր էզ Զոր նահանգում, օրվա մութ ժամին. Սիրիայի կառավարական զորքերի հրետանու մարտկոցը գրոհել է ահաբեկիչների մի քանի շարժունակ խմբեր։ Սիրիական զինծառայողները գործուղված ռուսաստանցի խորհրդականների հետ ընդունել են մարտը, նշել են ՌԴ ՊՆ-ում։  

«Մոտ մեկ ժամ տևած մարտում զինծառայողները ոչնչացրել են 43 ահաբեկչի և բարձր անցանելիության վեց ավտոմեքենա՝ դրանց վրա տեղադրված խոշոր տրամաչափի սպառազինությամբ»,-տեղեկացրել են նախարարությունում։

Հրամանատարությունը բոլոր ռուսաստանցի զինծառայողներին առաջադրել է պարգևատրման համար։