Կառավարող կուսակցության թեկնածուն հաղթանակ Է տարել Պարագվայի նախագահական ընտրություններում
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Պարագվայում կառավարող «Կոլորադո» պահպանողական կուսակցության թեկնածուն՝ Մարիո Աբդո Բենիտեսը հաղթանակ Է տարել նախագահական ընտրություններում: Այդ մասին, ինչպես հաղորդել Է ՏԱՍՍ-ը, ապրիլի 22-ին հայտնել Է հանրապետության ընտրական պալատի նախագահ Հայմե Բեստերը, տեղեկացնում Է «Արմենպրես»-ը:
Նրա տվյալներով՝ ընտրողների ձայների 99,48 տոկոսի հաշվումից հետո կառավարության կողմնակցի օգտին քվեարկել Է 46,44 տոկոսը: «Մեծ նորացված ազգային դաշինք» ընդդիմադիր կոալիցիայից նրա հիմնական մրցակցի՝ Էֆրաին Ալեգրեին աջակցել Է 42,74 տոկոսը: Ընտրողները պետք Է ընտրեին պետական բարձրագույն պաշտոնի 10 հավակնորդներից մեկին: Պարագվայում ձայնի իրավունք ունի ավելի քան 4,3 մլն քաղաքացի: Հանրապետության օրենսդրությունը երկրորդ փուլի անցկացում չի նախատեսում: Նոր նախագահի պաշտոնակալության արարողությունը պետք Է կայանա օգոստոսի 15-ին:
Բաժանորդագրվեք մեր ալիքին Telegram-ում