Լոնդոնում կայացել Է հատուկ համերգ՝ նվիրված Խվորոստովսկու հիշատակին
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Աննա Նետրեբկոն, Կոստաս Սմորիգինասը, Անջելա Գեորգիուն եւ օպերային այլ աստղեր մարտի 18-ի երեկոյան Լոնդոնում հարգել են իրենց գործընկերոջ եւ բարեկամի՝ Դմիտրի Խվորոստովսկու հիշատակը: Այդ մասին, ինչպես տեղեկացնում Է «Արմենպրես»-ը, հայտնել Է ՌԻԱ Նովոստին:
Օպերայի եւ բալետի թագավորական թատրոնում կայացած համերգին հրավիրված Էին անցյալ տարվա նոյեմբերին մահացած երգչի ընտանիքի անդամները, ընկերները, բեմի գործընկերները, եւ միայն քիչ թվով տոմսեր Էին դրված բաց վաճառքի: «Շատ դժվար Է կանգնել այստեղ եւ ինչ-որ բառեր ասել:
Մենք մինչ այժմ շոկի մեջ ենք այն բանից, որ Դիման հեռացավ… Բայց դուք գիտեք, որ նրա ձայնը մնում Է այս պատերի ներսում, այնպես որ Դիման այստեղ Է եւ այստեղ կմնա ընդմիշտ»,-ասել Է Քովենթ-Գարդենի երաժշտական տնօրեն Անտոնիու Պապանոն: Համերգի ծրագրում տեղ են գտել Լենսկու եւ Օլգայի մեներգերը «Եվգենի Օնեգին» օպերայից, մեներգեր՝ «Ռիգոլետո»-ից, «Մակբեթ»-ից, «Պիկովայի դամա»-ից:
Բաժանորդագրվեք մեր ալիքին Telegram-ում