Ֆերիկ գյուղի բնակիչները իրենց ոչխարի հոտը արածեցրել են Ծաղկալանջ գյուղի տարածքում. տեղի է ունեցել ծեծկռտուք
15:11, 17 Մարտ 2018
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Ոստիկանության Վաղարշապատի բաժին մարտի 16-ին ժամը 17:10-ին Ծաղկալանջ գյուղից ահազանգ էր ստացվել ուրիշի գույքը ոչնչացնելու վերաբերյալ:
Այս մասին «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից:
«Պարզվել է, որ Ֆերիկ գյուղի բնակիչները իրենց ոչխարի հոտը արածեցրել են Ծաղկալանջ գյուղի տարածքում գտնվող արոտի դաշտերում` վնասելով դաշտերը: Այդ հարցի շուրջ ծագել է վիճաբանություն, որի ժամանակ իրար ծեծի են ենթարկել, պատճառելով ֆիզիկական վնաս:
Դեպքի հանգամանքները պարզվում են, կատարվում է հետաքննություն»,- նշեցին ոստիկանության լրատվական բաժնից:
Բաժանորդագրվեք մեր ալիքին Telegram-ում