Ժամանակը Երևանում՝ 11:07:36,   21 Հունիս

ՀՀ ԱԳ և Դանիայի մշակույթի նախարարներն ստորագրել են մշակույթի և արվեստի բնագավառում համագործակցության հուշագիր


ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: ՀՀ ԱԳ նախարար Էդվարդ Նալբանդյանը մարտի 14-ին հանդիպել է Դանիայի մշակույթի նախարար Մեթե Բոկի հետ: Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից՝ հավելելով. «Զրուցակիցներն անդրադարձան մշակույթի բնագավառում համագործակցության խորացման ուղղությամբ ձեռնարկվող քայլերին, համատեղ մշակութային միջոցառումների անցկացման հնարավորությանը:

Նախարար Բոկը ջերմությամբ հիշեց անցյալ սեպտեմբերին Երևան կատարած իր այցը և հանդիպումը ԱԳ նախարարի հետ:

Էդվարդ Նալբանդյանը և Մեթե Բոկը ստորագրեցին «Հայաստանի Հանրապետության մշակույթի նախարարության և Դանիայի Թագավորության մշակույթի նախարարության միջև մշակույթի և արվեստի բնագավառում համագործակցության մասին» փոխըմբռնման հուշագիրը:

Երկուստեք շեշտվեց, որ փաստաթուղթը կխթանի մշակույթի բնագավառում հայ-դանիական փոխգործակցությունը։ 

 




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ