Հրշեջները մարել են Դավթաշենում բռնկված հրդեհը
21:43, 23 Փետրվար 2018
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը փետրվարի 23-ին, ժամը 15:48-ին ահազանգ է ստացել, որ Երևան քաղաքի Դավթաշեն 1-ին թաղամասի 14 շենքի բնակարաններից մեկից ծուխ է նկատվում:
Դեպքի վայր է մեկնել երկու մարտական հաշվարկ, արտակարգ իրավիճակների արձագանքման և օպերատիվ խմբերը:
Պարզվել է, որ շենքի 9-րդ հարկի միջանցքի և տանիքի միջնամասում այրվում է խորդանոց:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, հրդեհը մեկուսացվել է ժամը 16:12-ին, մարվել՝ 16:30-ին: Այրվել է խորդանոցն ամբողջությամբ (10 քմ) և վերելակի հորանի դուռը՝ մասամբ:
Բաժանորդագրվեք մեր ալիքին Telegram-ում