Մոուրինյոն կդառնա ռուսական հեռուստաալիքներից մեկի փորձագետը
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Անգլիական «Մանչեսթեր Յունայթեդ»-ի գլխավոր մարզիչ Ժոզե Մոուրինյուն կդառնա ռուսական հեռուստաալիքներից մեկի փորձագետն աշխարհի 2018 թվականի առաջնության ժամանակ: «Արմենպրես»-ի փոխանցմամբ, այդ մասին տեղեկացրել է ֆուտբոլային մեկնաբան Նոբել Առուստամյանը
«Դուք արդեն գիտեք, որ տրանսֆերները միայն ակումբների միջև չեն լինում: Այժմ ֆուտբոլային հանրության ամբողջ ուշադրությունը Ռուսաստանի կողմն է, քանի որ ԱԱ-2018-ին քիչ ժամանակ է մնացել: Օրինակ, «Մանչեսթեր Յունայթեդ»-ի գլխավոր մարզիչ Ժոզե Մոուրինյուն կժամանի Մոսկվա ու կդառնա ռուսական հեռուստաալիքներից մեկի փորձագետը: Այս պահին չեմ կարող նշել, թե որտեղ է նա աշխատելու: Իհարկե, ամբողջ առաջնության ժամանակ նա չի աշխատի, այլ դրա մի մասի ժամանակ: Սա կարևոր իրադարձություն է»,- գրել է Առուստամյանը «Telegram»-ի իր էջում:
Բաժանորդագրվեք մեր ալիքին Telegram-ում