Դեսպան Մկրտչյանը հանդիպել է Լիբանանի խորհրդարանի Լիբանան-Հայաստան բարեկամական խմբի հետ
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Լիբանանում ՀՀ դեսպան Սամվել Մկրտչյանը հունվարի 25-ին հանդիպել է Լիբանանի խորհրդարանի Լիբանան-Հայաստան բարեկամական խմբի անդամների հետ: Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից՝ հավելելով. «Հանդիպման ընթացքում դեսպան Մկրտչյանը ներկայացրեց Հայաստանի ներքաղաքական զարգացումները, նոր սահմանադրության հիման վրա խորհրդարանական կառավարման համակարգին անցման քայլերը:
Ընդգծվեց երկու երկրների խորհրդարանների միջև համագործակցության աշխուժացման և այդ նպատակով նոր եղանակների ու ձևաչափերի որոնման անհրաժեշտությունը:
Հատուկ անդրադարձ կատարվեց խորհրդարանական դիվանագիտությանը՝ փոքրամասնությունների իրավունքների պաշտպանության և ահաբեկչության դեմ պայքարի հարցերում:
Լիբանանի խորհրդարանի անդամները ներկայացրին առաջիկա խորհրդարանական ընտրությունների նախապատրաստական աշխատանքները, դրանց հաջող անցկացման նախապայմանները»:
Բաժանորդագրվեք մեր ալիքին Telegram-ում