Սիրիայում փախստականների վերադարձման ընդգրկուն ծրագիր Է իրագործվելու
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Սիրիայում պլանավորում են իրականացնել փախստականների վերադարձման ընդգրկուն ծրագիր: Այդ մասին, ինչպես տեղեկացնում Է «Արմենպրես»-ը, լրագրողներին հայտնել Է հանրապետության ազգային հաշտեցման գործերի նախարար Ալի Հայդարը:
Ավելի վաղ Սիրիայի հակամարտող կողմերի հաշտեցման ռուսական կենտրոնի ներկայացուցիչ Վիկտոր Պանկովը հայտնել Է, որ ռուս զինվորականները կազմակերպել են ավելի քան 9,5 հազար փախստականների վերադարձը Ռիֆ Դամասկոսի նահանգի Էլ Բուվայդա բնակավայր:
Հայդարի խոսքով՝ նախարարությունը եւ ռուս զինվորականները պլանավորում են մոտ ժամանակներս իրականացնել փախստականների վերադարձման ընդգրկուն ծրագիր:
«Համագործակցությունը վերաբերում Է ոչ միայն Էլ Բուվայդային: Ես խոսում եմ ամբողջ հարավային տարածաշրջանի մասին: Մենք տեսչական ուղեւորություններ ենք կատարել եւս մի քանի շրջաններ, եւ մենք ունենք մոտ ժամանակներս մարդկանց վերադարձնելու համատեղ պլաններ»,- ընդգծել Է Հայդարը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում