Կարմիրգյուղում քամին տանիքներ է վնասել. վնասի չափը պարզելու համար հանձնաժողով է ստեղծվել
17:13, 19 Հունվար 2018
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Գեղարքունիքի մարզի Կարմիրգյուղ համայնքում հունվարի 19-ին քամուց տանիքներ են վնասվել: Ինչպես «Արմենպրես»-ին տեղեկացրին արտակարգ իրավիճակների նախարարությունից, դեպքի վայր է մեկնել հրշեջ-փրկարարական ջոկատի օպերատիվ խումբը:
Պարզվել է, որ քամուց վնասվել են Տիգրան Պետրոսյան փողոցի 1-ին նրբանցքի տներից մեկին հարակից անասնագոմի տանիքի երկաթյա թիթեղները (մոտ 30 քմ) և 118-րդ փողոցի տներից մեկին հարակից անասնագոմի տանիքի ազբոշիֆերը (մոտ 90 քմ):
Գյուղապետարանում կազմվել է հանձնաժողով վնասի չափը պարզելու համար:
Բաժանորդագրվեք մեր ալիքին Telegram-ում