Ժամանակը Երևանում՝ 11:07:36,   20 Օգոստոս

Թուրքիայի խորհրդարանը երեք ամսով երկարաձգել է արտակարգ դրության ռեժիմը երկրում

Թուրքիայի խորհրդարանը երեք ամսով երկարաձգել է արտակարգ դրության ռեժիմը 
երկրում

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Թուրքիայի խորհրդարանը ձայների մեծամասնությամբ ընդունել է երկրում արտակարգ դրության ռեժիմը երեք ամսով երկարաձգելու որոշում՝ սկսած հունվարի 19-ից: «Արմենպրես»-ի փոխանցմամբ, այդ մասին հաղորդում են թուրքական լրատվամիջոցները:   

Թուրքիայում արտակարգ դրությունը մտցվել էր 2016 թվականի հուլիսին իրականացված հեղաշրջման փորձից հետո՝ երեք ամիս ժամկետով: Ռեժիմը հինգ անգամ երկարաձգվել է երեք ամիս ժամկետով՝ կառավարության որոշմամբ և խորհրդարանի վավերացմամբ:    

Հունվարի 17-ին Թուրքիայի ազգային անվտանգության խորհուրդը կոչ է արել արտակարգ դրության ռեժիմը երկարաձգել ևս երեք ամսով: Նիստն անցել է երկրի նախագահ Ռեջեփ Թայիփ Էրդողանի գլխավորությամբ: Դրանից հետո համապատասխան որոշումն ընդունվել է կառավարության կողմից:  




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ