ԱՄՆ-ը եւ Իսրայելը գաղտնի համաձայնագիր են կնքել Իրանի վերաբերյալ
10:04, 29 Դեկտեմբեր 2017
ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ-ը եւ Իսրայելը գաղտնի համաձայնագիր են կնքել Իրանի քաղաքականությանը հակազդելու նպատակով համագործակցության վերաբերալ: Այդ մասին, ինչպես տեղեկացնում Է «Արմենպրես»-ը, հայտնել Է Իսրայելի Channel 10 News հեռուստաալիքը:
Կողմերը համաձայնության են եկել ընթացիկ տարվա դեկտեմբերի 12-ին Վաշինգտոնում, դրա գլխավոր թեման հակազդումն Է Իրանի կողմից իր հրթիռամիջուկային ծրագրի իրագործմանը, նշված Է հաղորդագրության մեջ: Այն նախատեսում Է իրանական ատոմի համաձայնագրի վերանայման մասին ԱՄՆ-ի նախագահ Դոնալդ Թրամփի նախաձեռնության իրագործում, որը նա շարադրել Է հոկտեմբերի 13-ին, ինչպես նաեւ համատեղ խմբերի ստեղծում մերձավորարեւելյան տարածաշրջանում Իրանի քաղաքականությանը հակազդելու համար:
Համաձայնագրի կնքման շուրջը բանակցություններն Սպիտակ տանը վարել են անվտանգության հարցերով Միացյալ Նահանգների նախագահի օգնական Հերբերտ Մաքմասթերը եւ նրա իսրայելացի պաշտոնակից Մեիր Բեն Շաբաթը, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում