Ժամանակը Երևանում՝ 11:07:36,   20 Հունիս

ԱՄՆ ռազմածովային ուժերը նոր սերնդի հականավային հեռահար հրթիռներ են փորձարկել


ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Ամերիկայի Միացյալ Նահանգների ռազմաօդային ուժերը նոր սերնդի հականավային հեռահար հրթիռներ են փորձարկել: Ինչպես հաղորդում է «Արմենպրես»-ը, վկայակոչելով lenta.ru-ն, LRASM կոչվող հրթիռների փորձարկումը հաջող է անցել:

Փորձարկումների ժամանակ ԱՄՆ օդուժին պատկանող B-1B ռմբակոծիչներից երկու LRASM տեսակի հրթիռ է արձակվել՝ խոցելով մի քանի ծովային թիրախ:

LRASM հրթիռի թռիչքի հեռավորությունը կկազմի ավելի քան 900 կմ, ինչը երեք անգամ ավելի մեծ է, քան գործող Harpoon հրթիռինը: Մեկ  հրթիռը կարող է ամբողջությամբ ոչնչացնել հակառակորդի նավը:

2017-ի հուլիսին Պենտագոնը հայտարարել է ամերիկյան ռազմաօդային և ռազմածովային ուժերի ինքնաթիռների համար 23 LRASM հրթիռ ձեռք բերելու մասին: Հրթիռները սպառազինման կազմում կհայտնվեն 2018թ.:




Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ