Բացահայտվել Է մարդու գրավչության վրա ծխելու ներգործությունը
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Ծխող մարդիկ նվազ գրավիչ են հակառակ սեռի համար, այս եզրակացությանն են հանգել բրիտանացի գիտնականները Բրիստոլի համալսարանից, նրանց աշխատության արդյունքները հրապարակված են Royal Society Open Science հանդեսում:
Հետազոտությանը մասնակցել Է ավելի քան 500 մարդ, տեղեկացնում Է «Արմենպրես»-ը: Նրանց խնդրել են երկվորյակների զույգից, որոնցից մեկը ծխում Է, իսկ մյուսը՝ ոչ, ընտրել ավելի հրապուրիչ մարդու նկարը: Տղամարդկանց երկու երրորդը նախընտրել Է չծխող կանանց:
Միեւնույն ժամանակ թույլ սեռի՝ հարցմանը մասնակցած ներկայացուցիչների 68 տոկոսը կատարել Է համանման ընտրություն: Հետազոտության հեղինակները նշում են, որ շատերին Է հայտնի օրգանիզմի վրա ծխելու բացասական ազդեցության մասին, այժմ գիտնականներին հաջողվել Է արտաքին տեսքի վրա այդ սովորության ներգործության ակնառու ապացույց տրամադրել, քանի որ երկվորյակները ծագումնաբանորեն նույնական են, եւ նրանց ծերացման գործընթացը նման Է, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում