Փրկարարները Կայք գյուղում ավտոմեքենա են դուրս բերել ձյան արգելափակումից
21:27, 12 Դեկտեմբեր 2017
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը դեկտեմբերի 12-ին, ժամը 16:22-ին ահազանգ է ստացել, որ Արագածոտնի մարզի Կայք գյուղում ավտոմեքենան դուրս է եկել ավտոճանապարհի երթևեկելի հատվածից և արգելափակվել ձյան մեջ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, պարզվել է, որ Կայք գյուղի սկզբնամասում «ՎԱԶ 2107» մակնիշի 30 UO 378 պետհամարանիշով ավտոմեքենան դուրս է եկել ճանապարհի երթևեկելի գոտուց և արգելափակվել ձյան մեջ:
Փրկարարները Կայք գյուղի սկզբնամասում ավտոմեքենան դուրս են բերել արգելափակումից:
Բաժանորդագրվեք մեր ալիքին Telegram-ում