«Մանչեսթեր Յունայթեդ»-ը պարտվեց դերբիում
22:25, 10 Դեկտեմբեր 2017
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Անգլիայի առաջնության 16-րդ տուրի մանչեսթերյան դերբիում հաղթեցին «քաղաքայինները» (1:2):
«Արմենպրես»-ի հաղորդմամբ՝ առաջին կեսի 43-րդ րոպեին «Մանչեսթեր Սիթի»-ի ֆուտբոլիստներն առաջ անցան հաշվի մեջ: Գոլի հեղինակ դարձավ Դավիթ Սիլվան: Ընդամենը 2 րոպե անց «կարմիր սատանաները» հավասարեցրին հաշվի տարբերությունը: Աչքի ընկավ Մարկոս Ռեշֆորդը: Երկրորդ կեսի 54-րդ րոպեին Օտամենդին առաջ մղեց «Մանչեսթեր Սիթի»-ին (1:2), որը հաղթական եղավ «քաղաքայինների» համար:
Հայաստանի ազգային թիմի ավագ Հենրիխ Մխիթարյանը կրկին հայտավորված չէր:
«Մանչեսթեր Յունայթեդ»-ը հաջորդ հանդիպումը կանցկանցի դեկտեմբերի 14-ին: Ժոզե Մոուրինոյի սաներն ունեն 35 միավոր և երկրորդ տեղում են:
Բաժանորդագրվեք մեր ալիքին Telegram-ում