Սեւանի մշակույթի տան հիմնանորոգման հերթական փուլը կավարտվի տարեվերջին
ԳԱՎԱՌ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Սեւան քաղաքի մշակույթի տան հիմնանորոգման աշխատանքները, որոնք ընթանալու են մի քանի փուլով, մեկնարկել են նախորդ տարվանից եւ շարունակվելու են նաեւ 2018 թվականի ընթացքում:
Ինչպես «Արմենպրես»-ին տեղեկացրեց Գեղարքունիքի մարզպետարանի աշխատակազմի քաղաքաշինության վարչության պետ Արմեն Զոհրաբյանը, Սեւանի մշակույթի տան հիմնանորոգման նախահաշվային արժեքը կազմել է 405 միլիոն դրամ, իսկ մրցույթի արդյունքում ձեւակերպված արժեքը՝ 295 միլիոն դրամ: 2016 թվականի ընթացքում պետբյուջեից հատկացվել է 41 միլիոն դրամ, որի արդյունքում փոխվել են մշակույթի տան դռներն ու պատուհանները, իսկ այս տարի հատկացված 50 միլիոն դրամի հաշվին իրականացվում են ներքին հարդարման աշխատանքներ: «Այս տարվա համար նախատեսված աշխատանքները կավարտվեն դեկտեմբերի 20-ին, իսկ եկող տարվա համար պետական բյուջեի նախագծով նախատեսվում է հատկացնել շուրջ 157 միլիոն դրամ՝ շինարարությունը շարունակելու համար»,-նշեց վարչության պետը:
Խոսրով Խլղաթյան
Բաժանորդագրվեք մեր ալիքին Telegram-ում