Պետությունը տարվա լավագույն դաստիարակին ու ուսուցչին կպարգևատրի ավտոմեքենաներով
21:34, 26 Սեպտեմբեր 2017
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Արդեն 15-րդ տարին է, ինչ լավագույններին խրախուսելու նպատակով Հայաստանում անցկացվում են «Տարվա լավագույն դաստիարակ» և «Տարվա լավագույն ուսուցիչ» հանրապետական մրցույթները, որոնց հաղթողները Հայաստանի Հանրապետության կառավարության կողմից պարգևատրվում են ավտոմեքենայով:
ՀՀ կառավարությունը նախատեսում է 2017 թվականի «Լավագույն դաստիարակ» և «Լավագույն ուսուցիչ» մրցույթների հաղթողներին 5 միլիոն 200 հազար դրամ արժեքով մեկական ավտոմեքենայով պարգևատրել: «Արմենպրես»-ի հաղորդմամբ, գործադիրը սեպտեմբերի 28-ի նիստում կհատկացնի 10 մլն 400 հազար դրամ` կառավարության պահուստային ֆոնդից:
Բաժանորդագրվեք մեր ալիքին Telegram-ում