Թուրքիայի մեջլիսը կերկարաձգի Սիրիայում և Իրաքում ռազմական գործողություններ իրականացնելու մանդատը
12:06, 22 Սեպտեմբեր 2017
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի Ազգային մեծ ժողովում քվեարկության կդրվի Սիրիայում և Իրաքում թուրքական զինված ուժերի կողմից անդրսահմանային ռազմական գործողություններ իրականացնելու թույլտվության մանդատը երկարաձգելու հարցը: Ինչպես հաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:
Մեջլիսն այս հարցով սեպտեմբերի 23-ին արտահերթ նիստ կգումարի:
2016 թվականի հոկտեմբերի 2-ին Իրաքում և Սիրիայում անդրսահմանային գործողություններ իրականացնելու թույլտվությունը մեջլիսը երկարաձգել էր երկու տարով՝ մինչև 2017 թվականի հոկտեմբերի 30-ը:
Բաժանորդագրվեք մեր ալիքին Telegram-ում