Մերձդնեստրը խնդրել Է ՄԱԿ-ին՝ դիտորդ պետության կարգավիճակ տրամադրել
16:45, 20 Սեպտեմբեր 2017
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Մերձդնեստրի Գերագույն խորհրդի (խորհրդարան) պատգամավորները սեպտեմբերի 20-ին միաձայն քվեարկել են չճանաչված հանրապետությանը դիտորդ պետության հատուկ կարգավիճակ տրամադրելու դիմում ընդունելու եւ այն ՄԱԿ-ին ուղարկելու օգտին: Այդ մասին, ինչպես տեղեկացնում Է «Արմենպրես»-ը, հայտնել Է խորհրդարանի մամուլի ծառայությունը:
Դիմումը հասցեագրված Է ՄԱԿ-ի գլխավոր քարտուղար Անտոնիու Գուտերիշին եւ ՄԱԿ-ի Գլխավոր ասամբլեայի նախագահ Միրոսլավ Լայչակին:
«Մերձդնեստրը կարող Է եւ պատրաստ Է դառնալ ՄԱԿ-ի պատասխանատու եւ հուսալի գործընկեր, որը կապահովի կես միլիոնանոց ժողովրդի դեմոկրատական, առաջադիմական եւ խաղաղ զարգացումը Եվրասիայի «սրտում»: Այս համատեքստում դիմում եմ ձեզ՝ խնդրելով քննարկել Մերձդնեստրին ՄԱԿ-ում դիտորդ պետության հատուկ կարգավիճակ տրամադրելու հարցը»,-ասված Է ուղերձի տեքստում, որն ստորագրվել Է Մերձդնեստրի Հանրապետության նախագահ Վադիմ Կրասնոսելսկու եւ խորհրդարանի խոսնակ Ալեքսանդր Շչերբայի կողմից, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում