Ժամանակը Երևանում՝ 11:07:36,   20 Սեպտեմբեր

Ոստիկանները Ախթալայում են հայտնաբերել Եղվարդում դանակահարություն կատարած անձին


ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: ՀՀ ոստիկանության ծառայողները Ախթալա քաղաքում հայտնաբերել են Եղվարդ քաղաքում դանակահարություն կատարելու համար հետախուզվող անձին։

Ինչպես «Արմենպրես»-ը տեղեկացավ ՀՀ ոստիկանության պաշտոնական կայքից, օգոստոսի 21-ին ոստիկանության Նաիրիի բաժնում հաղորդում էր ստացվել 1985 թ. ծնված Գրիգոր Գ.-ի նկատմամբ ավազակային հարձակում կատարելու մասին:
ՀՀ ոստիկանության Կոտայքի մարզային վարչության, Թումանյանի բաժնի և ՀՀ ՔԿ ծառայողների համատեղ ձեռնարկված միջոցառումների շնորհիվ պարզվել է, որ օգոստոսի 21-ին՝ ժամը 21-ի սահմաններում, Եղվարդ քաղաքի Սայաթ-Նովայի փողոցի թիվ 2 հասցեում գտնվող տան մոտ Գրիգոր Գ.-ն վեճի է բռնվել 1989 թ. ծնված Սարգիս Մ.-ի հետ, որի ընթացքում Սարգիս Մ.-ն իր մոտ եղած դանակով հարվածներ է հասցրել Գրիգոր Գ.-ին՝ պատճառելով ծանր մարմնական վնասվածք:
Սարգիս Մ.-ն հայտնաբերվել է Լոռու մարզի Ախթալա համայնքում և բերման ենթարկվել ոստիկանության Թումանյանի բաժին:
Ըստ տուժողի հաղորդման՝ օգոստոսի 21-ին՝ ժամը 20.00-ից 21.00-ի սահմաններում, Սարգիս Մ.-ն վիճաբանության ժամանակ դանակով 2 անգամ հարվածել է իրեն՝ պատճառելով մարմնական վնասվածք, սակայն իրենից ոչինչ չի հափշտակել:
Ձեռնարկվում են միջոցառումներ հանցագործության գործիք դանակը հայտնաբերելու ուղղությամբ:
Նախաքննությունը շարունակվում է:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ