Այնտեղ նշել են, որ զոհվածի անձը պարզվում Է:

Հրդեհն սկսվել Է օգոստոսի 21-ի ցերեկը Դոնի Ռոստովի պատմական կենտրոնի մասնավոր հատվածում: Այրվել են շուրջ 10 հազար քառակուսի մետր ընդհանուր մակերեսով բնակելի տներ: Կրակը ոչնչացրել Է շուրջ 120 շինություններ, որոնցից շուրջ 100-ը ՝ բնակելի կառույցներ են: Տարածաշրջանում արտակարգ դրության ռեժիմ Է գործում: Ներկայում բաց այրումը վերացված Է, կատարվում Է տարածքի ջրում եւ կոնստրուկցիաների հավաքում:

Բռնկման գոտուց տարհանվել Է 650 մարդ: Բժշկական օգնության Է դիմել 58 մարդ, նրանցից ինը հոսպիտալացվել են:

Օգոստոսի 22-ի առավոտվա դրությամբ ստացվել Էին 467 տուժածների դիմումներ: Նրանք բոլորը միանվագ նյութական օգնություն կստանան 20 հազար ռուբլու չափով: Ամբողջ ունեցվածքից զրկվածները կստանան 100 հազար ռուբլի, ծանր վերքեր ստացած անձինք՝ 400 հազար ռուբլի: