Երևանի քաղաքապետարանը շարունակում է համաքաղաքային շաբաթօրյակի նախապատրաստական աշխատանքները
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Երևանի քաղաքապետարանում կայացած աշխատանքային խորհրդակցության ժամանակ, որը վարել է քաղաքապետ Տարոն Մարգարյանը, զեկուցվել է, որ հուլիսի 29-ին հայտարարված համաքաղաքային շաբաթօրյակի նախապատրաստական աշխատանքների շրջանակում ճշգրտվել են այն տարածքները, որտեղ կատարվելու են նախատեսված աշխատանքները:
Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, քաղաքապետը հանձնարարել է շարունակել շաբաթօրյակի նախապատրաստական աշխատանքները՝ դրանցում ներգրավելով ինչպես քաղաքապետարանի ենթակայության կազմակերպություններին, այնպես էլ պետական և մասնավոր կառույցներին: Հանձնարարվել է նաև տարածքների բաշխումը կատարել այնպես, որ շաբաթօրյակը նպատակին ծառայի:
Բաժանորդագրվեք մեր ալիքին Telegram-ում