Լոռու, Գեղարքունիքի և Տավուշի մարզերում իրականացվեն ներքին ոռոգման ցանցի հիմնանորոգման աշխատանքներ
15:19, 13 Հուլիս 2017
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: ՀՀ մարզերի առաջնահերթ լուծում պահանջող հիմնախնդիրների ուղղությամբ իրականացվելիք աշխատանքների համար կառավարության պահուստային ֆոնդից ավելի քան 60 մլն դրամ հատկացվեց ՀՀ էներգետիկայի ենթակառուցվածքների և բնական պաշարների նախարարության ջրային տնտեսության պետական կոմիտեին: Տարածքային կառավարման և զարգացման նախարարի տեղակալ Վաչե Տերտերյանը նշեց, որ անհրաժեշտություն է առաջացել իրականացնել Լոռու, Գեղարքունիքի և Տավուշի մարզերում նախագծանախահաշվային և ներքին ոռոգման ցանցի հիմնանորոգման աշխատանքներ:
«Ոռոգման համակարգերի անխափան շահագործումը կբերի ոռոգվող հողատարածքների ավելացմանը, ջրի պահանջարկի ապահովմանը»,- «Արմենպրես»-ի փոխանցմամբ, ասաց Տերտերյանը:
Բաժանորդագրվեք մեր ալիքին Telegram-ում