ՌԴ-ի կառուցողական դերը կարեւոր Է արդի հակամարտությունների կարգավորման համար. Զ. Գաբրիել
15:02, 28 Հունիս 2017
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: ՌԴ-ի կառուցողական դիրքորոշումը անհրաժեշտ Է բազմաթիվ միջազգային հակամարտությունների կարգավորման համար: Այդ մասին, ինչպես տեղեկացնում Է «Արմենպրես»-ը, Գերմանիայի արտաքին գործերի նախարար Զիգմար Գաբրիելը ՏԱՍՍ-ին հայտնել Է Ռուսաստան իր այցի նախաշեմին: «Արդի խոշոր հակամարտությունները կարելի Է լուծել միայն համատեղ եւ փոխադարձ վստահության առկայությամբ,-ասել Է նա:-Մեզ հարկավոր Է Ռուսաստանի կառուցողական դերակատարությունը Սիրիայում, Լիբիայում, Աֆղանստանում, ինչպես նաեւ Ուկրաինայի արեւելքում»:
Գաբրիելը նաեւ համոզված Է, որ «քաղաքական բարդ ժամանակներում անհրաժեշտ Է պահպանել երկխոսությունը»: «Միայն այդպես կարելի Է պահպանել վստահությունը, միայն այդպես կարելի Է խնդիրները լուծել խաղաղությամբ»,-ասել Է ԳՖՀ-ի արտաքին քաղաքական գերատեսչության ղեկավարը: Նա նշել Է, որ «այսօր այցով ուղեւորվում Է Ռուսաստան, որտեղ իր պաշտոնակից Սերգեյ Լավրովի հետ միասին կբացի գործընկեր քաղաքների ռուս-գերմանական խորհրդաժողովը»:
«Չնայած առկա բոլոր քաղաքական տարաձայնություններին, մենք չպետք Է մոռանանք, թե որքան սերտ եւ միահյուսված են դարձել ռուսների եւ գերմանացիների փոխհարաբերությունները սառը պատերազմի ավարտվելուց հետո»,- ընդգծել Է Գաբրիելը:
Բաժանորդագրվեք մեր ալիքին Telegram-ում