Հրշեջները մարել են խոտածածկ տարածքներում բռնկված հրդեհները
17:37, 25 Հունիս 2017
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Ճգնաժամային կառավարման ազգային կենտրոնում հունիսի 24-25-ը ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Մասնավորապես` Երևան քաղաքի Իսակովի պողոտայում գտնվող ԱՄՆ դեսպանատան մոտակայքում՝ մոտ 700 քմ, Աբովյան-Մայակովսկի ավտոճանապարհի 5-րդ կմ-ի մոտակայքում՝ մոտ 800 քմ, Արարատի մարզի Վեդի քաղաքի գերեզմանատանը՝ մոտ 1600 քմ, Կոտայքի մարզի Գետարգել գյուղի Հայ-Ռուսական հումանիտար արձագանքման կենտրոնի մոտակայքում՝ մոտ 1200 քմ խոտածածկույթ:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, բոլոր հրդեհները հրշեջ-փրկարարները մեկուսացրել են և մարել:
Բաժանորդագրվեք մեր ալիքին Telegram-ում