Calvin Klein-ը ապագա համագործակցության մասին ակնարկել Էր տակավին ձմռանը, երբ գովազդում հղում արեց 1980-ական թվականներին Շիլդսի մասնակցությամբ գովազդին: Այն ժամանակ 15-ամյա մոդելը գովազդել Էր Calvin Klein-ի ջինսերը: Calvin Klein-ն ամերիկյան նորաձեւության տուն Է, արտադրում Է տղամարդկանց եւ կանանց հագուստ, ինչպես նաեւ ներքնազգեստներ, կոշիկ, պարֆյումերիա, ժամացույցներ եւ աքսեսուարներ: Հիմնադրվել Է դիզայներ Քելվին Քլյայնի կողմից: Մակնիշը 1968 թվականին գրանցվել Է Նյու Յորքում: Ներկայում կրեատիվ տնօրենի պաշտոնն զբաղեցնում Է դիզայներ Ռաֆ Սիմոնսը, որն ավելի վաղ համագործակցում Էր Dior-ի հետ:

Շիլդսը մոդելային կարիերան սկսել Է 1970-ական թվականների կեսերին: Նա նկարահանվել Է Playboy-ի եւ Vogue-ի համար, ինչպես նաեւ համագործակցել Է բազմաթիվ հայտնի բրենդների հետ: Մանեկենուհին կինոյում խաղացել Է մի քանի տասնյակ դերեր: Նրա վերջին աշխատանքների թվում են՝ «Ինչպես ամուսնանալ միլիարդատիրոջ հետ» ռոմանտիկ կատակերգությունը (2011 թվական) եւ «Մանընթացություններ» կատակերգությունը (2013 թվական):