Եվրամիության դռների առջև սպասում ենք արդեն 54 տարի. Էրդողան
17:16, 17 Հունիս 2017
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Թուրքիան արդեն 54 տարի է, ինչ սպասում է Եվրոպական միության դռների առջև: Ինչպես տեղեկացնում է «Արմենպրես»-ը, այս մասին հայտնում է թուրքական haber7 կայքը՝ մեջբերելով Էրդողանի խոսքերը:
«Այսքան երկար սպասող երկիր չկա: Թուրքիայի նկատմամբ ԵՄ-ի կողմից ցուցաբերվող վերաբերմունքը ճիշտ չէ»,- հայտարարել է նա:
Թուրքիայի նախագահի կարծիքով՝ ԵՄ-ն «Թուրքիային տված խոստումը չի կատարել»: Խոսքն առաջին հերթին Թուրքիայի քաղաքացիների համար վիզային ռեժիմի ազատականացման մասին է: Էրդողանը նշում է, որ Թուրքիան չի կարողանում հասկանալ այդ հանգամանքը:
Բաժանորդագրվեք մեր ալիքին Telegram-ում