iOS 11-ի շնորհանդեսը տեղի Է ունեցել Սան Խոսեում Մշակողների համաշխարհային խորհրդաժողովի (WWDC) շրջանակներում:

Նոր գործառական համակարգում ամենաքննարկվող նորույթը ֆայլերի մենեջերն Է: Այս փոփոխությունը կարելի Է համարել արմատական, քանի որ iOS-ի նախորդ տարբերակներում ֆայլերի կենտրոնացված մենեջմենտը, ինչպես օրինակ Windows-ում, բացակայում Էր. օգտատերերը դրանք գործադրում Էին տարբեր հավելվածների միջոցով: Այժմ օգտատերը կկարողանա ֆայլերը կառավարել ձեռքով: Բացի դրանից, այժմ iMessage-ի միջոցով կարելի Է վճարումներ կատարել: Դա իրականացվել Է Apple Pay համակարգի օգնությամբ:

Նաեւ կատարելագործված Է Siri անձնական ասիստենտը. այն սովորել Է ձայնով մտցված նախադասությունները թարգմանել բոլոր հայտնի լեզուներով: Այսօր Siri-ն «գիտե» անգլերեն, չինարեն, ֆրանսերեն, գերմաներեն եւ իտալերեն: Բացի այդ. նոր համակարգում պարզեցված Է բոլոր բազային հավելվածների ինտերֆեյսը: Կառավարման կետն այժմ տեղավորված Է մեկ Էկրանի վրա՝ երկուսի փոխարեն: Նաեւ կատարելագործված են լուսանկարների մշակման համար նախատեսված ծրագրերը եւ քարտեզները: