Հայաստանը WannaCry վիրուսով վարակված երկրների ցանկում 40-րդն է
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Աշխարհում վերջին շրջանում տարածում ստացած WannaCry վիրուսն արդեն իսկ հասցրել է մի քանի օրում մոտ կես միլիոն համակարգիչ վարակել:
«Արմենպրես»-ի հաղորդմամբ` լրագրողների հետ հանդիպմանը Հայաստանում և Վրաստանում Կասպերսկի լաբորատորիայի տարածաշրջանի ղեկավար Արմեն Կարապետյանն ասաց, որ վիրուսով վարակված համակարգիչները ոչ միայն անհատների են պատկանում, այլեւ կազմակերպությունների: «Վիրուսը բավական խորամանկ ձեւով է պատրաստված. կոդավորում է համակարգչում առկա ինֆորմացիան եւ այն բացելու համար պահանջում 600 դոլար»,-ասաց նա:
Կարապետյանի խոսքով` հաքերները որոշել էին նման կերպ մեծ գումարներ աշխատել, բայց չստացվեց: «Հայաստանը այդ վիրուսով վարակված երկրների ցանկում 40-րդն է».,-հավելեց նա:
Հայաստանում և Վրաստանում Կասպերսկի լաբորատորիայի տարածաշրջանի ղեկավարը, սակայն, հորդորեց զգույշ լինել, քանի որ վիրուսով վարակման վտանգը դեռ պահպանվում է:
Բաժանորդագրվեք մեր ալիքին Telegram-ում