ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Ռուս հայտնի ռեփեր Տիմատին կկատարի իր խոստումը եւ հունիսի 8-ին Հանրապետության Հրապարակում կներկայանա անվճար համերգով: «Արմենպրես»-ի հաղորդմամբ՝ այս մասին երգիչը հայտարարել է Instagram-ի իր պաշտոնական էջում: «Մայիսի 12-ին տեխնիկական խնդիրների պատճառով իմ երեւանյան համերգը չկայացավ: Ես խոստացել էի վերադառնալ: Քանի որ ես միշտ պահում եմ իմ խոստումը, ես հայտարարում եմ, որ հունիսի 8-ին, ժամը 20:00-ին Հանրապետության Հրապարակում կկայանա իմ մեծ համերգը: Մուտքն ազատ է լինելու, ես սպասելու եմ, եկեք բոլորդ, կանչեք ձեր ընկերներին, այդ օրը թեժ է լինելու»,- ասել է Տիմատին:

Տիմատին Կարեն Դեմիրճյանի անվան մարզահամերգային համալիրում պետք է ելույթ ունենար մայիսի 12-ին, սակայն համերգը չեղյալ էր հայտարարվել տեխնիկական խնդիրների պատճառով:

A post shared by Black Star (@timatiofficial) on May 26, 2017 at 9:18am PDT