Սիլվիո Բեռլուսկոնին ընկել է սեփական տանն ու վնասել գլուխը
15:35, 29 Ապրիլ 2017
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Իտալիայի նախկին վարչապետ Սիլվիո Բեռլուսկոնին կուրորտային Պորտոֆինո քաղաքի իր տանն ընկել է և գլխի վնասվածք է ստացել: Ինչպես հաղորդում է «Արմենպրես»-ը, այս մասին հայտնում է Ansa գործակալությունը:
Իտալական գործակալության տվյալներով` քաղաքական գործիչը բախվել է գորգի անկյունին, ընկել և վնասել գլուխը: Բերլուսկոնիին բուժող բժիշկն ասել է, որ վնասվածքը մեծ չէ:
Նախազգուշական միջոցներից ելնելով որոշվել է, որ Բերլուսկոնին պետք է վերադառնա Միլան: Այնտեղ մասնավոր կլինիկաներից մեկում նրա գլխին երեք կար են դրել:
Բաժանորդագրվեք մեր ալիքին Telegram-ում