Հայաստանի հովտային և նախալեռնային գոտիներում ցրտահարությունների վտանգը կարելի է համարել ավարտված
11:27, 28 Ապրիլ 2017
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Հայաստանի հովտային և նախալեռնային գոտիներում ցրտահարությունների վտանգը կարելի է համարել ավարտված: Այս մասին հայտնում է ՀՀ արտակարգ իրավիճակների նախարարության հիդրոմետ ծառայության օդերևութաբանության կենտրոնի պետ Գագիկ Սուրենյանը:
«Արարատյան դաշտի տարբեր հատվածներից, հատկապես Վեդի, Ուրցաձոր, Դաշտաքար բնակավայրերից զանգեր եմ ստանում, որ այս գիշեր սպասվում է ցրտահարություն, նման բան չկա, առաջիկա գիշերը Արարատյան դաշտում կանխատեսվում է +9...+11 աստիճան տաքություն: Ցրտահարությունների վտանգը հանրապետության հովտային և նախալեռնային գոտիներում կարող եք համարել ավարտված»,-«Արմենպրես»-ի հաղորդմամբ՝ նշում է նա:
Բաժանորդագրվեք մեր ալիքին Telegram-ում