Շոյգուն Սիրիայում ԱՄՆ գործողություններն անվանել է սպառնալիք ռուս զինծառայողների համար
21:56, 26 Ապրիլ 2017
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: ՌԴ պաշտպանության նախարար Սերգեյ Շոյգուն հայտարարել է, որ ԱՄՆ-ի կողմից Սիրիայի կառավարական ուժերի «Շայրաթ» ռազմաբազային հասցված հարվածը սպառնալիք է ստեղծել ռուս զինծառայողների կյանքի համար: «Արմենպրես»-ի հաղորդմամբ` այդ մասին նա ասել է միջազգային անվտանգության հարցով մոսկովյան համաժողովի ժամանակ: Այս մասին փոխանցում է РИА Новости-ին:
Շոյգուն խոստովանել է, որ ավիահարվածների հետ կապված իրենք անհրաժեշտ քայլեր են կատարել ռուս զինծառայողների անվտանգության ապահովման համար:
«Շայրաթ» ռազմաբազան ԱՄՆ-ի կողմից ավիահարվածների է ենթարկվել ապրիլի 7-ին:
Բաժանորդագրվեք մեր ալիքին Telegram-ում