Գիտնականները քայլքի նոր օգտակար հատկություններ են հայտնաբերել
14:22, 25 Ապրիլ 2017
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Հայլենդսի համալսարանի (Նյու Մեքսիկոյի նահանգ, ԱՄՆ) մի խումբ հետազոտողներ հայտնաբերել են, որ քայլքը նպաստում Է մտավոր ունակությունների զարգացմանը: Գիտնականների աշխատանքը ներկայացվել Է Չիկագոյում Ամերիկյան ֆիզիկական ընկերության (American Physical Society) ամենամյա համագումարում: Զեկույցից քաղվածքներ են հրապարակված Eurekalert պորտալում, տեղեկացնում Է «Արմենպրես»-ը:
Նրանք պարզել են, որ քայլքը նպաստում Է արյան հոսքին գլխուղեղ եւ, որպես հետեւանք, մարդու հիշողության եւ ճանաչողական ունակությունների բարելավմանը: Այս արդյունքն ավելի քիչ Է դրսեւորվում, քան վազքի ժամանակ, բայց զգալիորեն ավելի ուժեղ Է արտահայտված, քան հեծանիվ քշելիս:
Հետազոտության հեղինակները նման եզրակացությունների են հանգել 12 առողջ երիտասարդների դիտարկման ընթացքում:
Բաժանորդագրվեք մեր ալիքին Telegram-ում