Ուղղափառ հոգեւորականը հաղթել Է ուկրաինական «Ձայն»-ում
14:12, 24 Ապրիլ 2017
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: 33-ամյա ավագ քահանա Ալեքսանդր Կլիմենկոն դարձել Է «Երկրի ձայնը» ուկրաինական երաժշտական շոուի հաղթողը: Այդ մասին, ինչպես տեղեկացնում Է «Արմենպրես»-ը, ապրիլի 24-ին հայտնել Է Ուկրաինական ուղղափառ եկեղեցու կայքը:
Նախագծում նրա ղեկավարը եղել Է երգչուհի Թինա Կարոլը: Երգի մրցույթի եզրափակիչում Կլիմենկոն կատարել Է Նիկոլայ Մոզգովոյի «Մայրական սեր» կոմպոզիցիան:
Հաղթելով մրցույթում՝ հոգեւորականն ստացել Է անվճար երգ ու հոլովակ ձայնագրելու, ինչպես նաեւ «Հիթ ՖՄ» ռադիոյով եռամսյա ռոտացիայի իրավունք եւ բնակարան Կիեւում: Ինչպես նշում Է Mignews պորտալը, բոլոր մրցանակները, բացի բնակարանից, Կլիմենկոն տվել Է երկրորդ տեղն զբաղեցրած երգչուհուն՝ Ինգրեդ Կոստենկոյին:
Բաժանորդագրվեք մեր ալիքին Telegram-ում