Դեռահասը ռեկորդ Է սահմանել՝ գլուխկոնծի տալով գլխով ջարդելով բետոնե բլոկները
15:31, 27 Մարտ 2017
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Քերիմ Ահմետսպախիկը՝ թեքվանդոյի 16-ամյա բոսնիացի վարպետը, համաշխարհային նոր ռեկորդ Է սահմանել՝ 35 վայրկյանում գլխով ջարդելով 111 բետոնե բլոկներ, տեղեկացնում Է «Արմենպրես»-ը՝ հղում անելով Daily Mail-ին:
Ռեկորդը սահմանվել Է մարտի 25-ին Վիսոկո քաղաքում: Տեսահոլովակում երեւում Է, թե ինչպես Է պատանի չեմպիոնը գլուխկոնծի տալիս բետոնի բլոկների վրայով եւ ջարդում դրանք:
Դրանից հետո հնչում են հանդիսականների որոտալից ծափահարությունները: Քերիմն ինքը ռեկորդը սահմանելուց հետո շնորհակալություն Է հայտնել «բոլոր նրանց, ովքեր իրեն օգնել են հասնելու նպատակին»՝ ծնողներին եւ մարզչին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում