Բակո Սահակյանը ծանոթացել է Շուշիի Մշակույթի կենտրոնի վերակառուցման աշխատանքներին
14:59, 22 Մարտ 2017
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանը մարտի 22-ին այցելել է Շուշի քաղաք եւ տեղում ծանոթացել Մշակույթի կենտրոնի վերակառուցման աշխատանքներին: Այս մասին «Արմենպրես»-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից:
Նախագահ Սահակյանն ընդգծել է այս մշակութային օջախը նախատեսված ժամկետներում ավարտին հասցնելու կարեւորությունը եւ աշխատանքների բարձր որակի խստիվ պահպանման հրամայականը:
Բաժանորդագրվեք մեր ալիքին Telegram-ում