ՀՀ ֆինանսների նախարար Վարդան Արամյանը հարցազրույց է տվել Emerging Europe-ին
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: ՀՀ ֆինանսների նախարարությունում տեղի է ունեցել ֆինանսների նախարար Վարդան Արամյանի հարցազրույցը Emerging Europe-ի գլխավոր խմբագիր Էնդրյու Ռոբելի հետ տեսազանգի միջոցով: Ինչպես «Արմենպրես»-ին տեղեկացրին ՀՀ ֆինանսների նախարարության տեղեկատվության և հասարակայնության հետ կապերի բաժնից, հարցազրույցի թեմաները վերաբերել են երկրի տնտեսական աճի ապահովմանը, այն խթանող արտաքին և ներքին գործոններին, ինչպես նաև նոր ներդրումներ ներգրավվելու ուղղությամբ կատարվող քայլերին:
Emerging Europe-ի գլխավոր խմբագիրը ցանկություն է հայտնել հաջորդ տարի Հայաստանի մասին պատրաստել ծավալուն զեկույց` «Outlook on Armenia 2018», որին կհաջորդի երկրի մասնակցությունը Լոնդոնում ՎԶԵԲ-ի հետ համատեղ կազմակերպվող կոնֆերանսին: Նախարարը պատրաստակամություն է հայտնել մասնակցել այդ նախաձեռնությանը, և ձեռք է բերվել հետագա համագործակցության պայմանավորվածություն:
Բաժանորդագրվեք մեր ալիքին Telegram-ում