«Լրագրողներ առանց սահմանների» կազմակերպությունը պահանջում է բացահայտել Դինքի սպանությունը
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: «Լրագրողներ առանց սահմանների» կազմակերպությունը պոլսահայ լրագրող Հրանտ Դինքի մահվան 10-րդ տարելիցին հորդորել է ի վերջո բացահայտել հանցագործությունը: Ինչպես հաղորդում է «Արմենպրես»-ը` վկայակոչելով գերմանական Deutsch Welle -ն, Բեռլինում լրագրողների հետ հանդիպման ժամանակ «Լրագրողներ առանց սահմանների» կազմակերպության Գերմանիայի ներկայացուցիչ Քրիստիան Միհրը նշել է, որ ի սկզբանե եղել են նշաններ այն բանի, որ Դինքի սպանությունը ազգայնամոլների փոքր խմբի ձեռքի գործը չէ:
Նա ընդգծել է, որ կան ապացույցներ հանցագործությունում պաշտոնյաների ներգրավվածության վերաբերյալ` նշելով, որ սպանության հետևում կանգնած անձինք պետք է դատապարտվեն: Միհրը ցանկություն է հայտնել, որ դատական գործը չշահագործվի քաղաքական նպատակներով:
Բաժանորդագրվեք մեր ալիքին Telegram-ում