Ադոնցի փողոցում պետծառայողների շենքերից առաջինի կառուցումը կավարտվի 2017թ. մարտին, երկրորդինը՝ 2018թ. դեկտեմբերին
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Երևան քաղաքի Արաբկիր վարչական շրջանի Ադոնց փողոցի երկու հասցեներում պետական ծառայողներին մատչելի բնակարաններով ապահովման ծրագրով շենքերից առաջինի կառուցումը կավարտվի 2017թ. մարտին, երկրորդինը՝ 2018թ. դեկտեմբերին։ Այս մասին «Արմենպրես»-ին տեղեկացրին ՀՀ կառավարությանն առընթեր քաղաքաշինության պետական կոմիտեի մամուլի ծառայությունից, որի հաղորդագրության մեջ նշված է. «ՀՀ կառավարության 2014 թվականի որոշմամբ (http://www.minurban.am/lows/files/821k.voroshum.pdf) Երևան քաղաքի Արաբկիր վարչական շրջանի Ադոնց փողոցի N 6/1 հասցեում մեկնարկեց պետական ծառայողներին մատչելի բնակարաններով ապահովման ծրագիրը, որը շինարարական աշխատանքներն իրագործվել է փուլային սկզբունքով:
Ադոնց փողոցի N 6/1 հասցեում ընդհանուր թվով 266 բնակարանների բաշխումն իրականացվել է վիճակահանության երեք փուլերի իրագործմամբ (I փուլ՝ 105,II փուլ՝ 135 և III փուլ՝ 26):
Հաշվի առնելով Ծրագրի նկատմամբ պետական ծառայողների հետաքրքրությունը և բնակարանների մեծ պահանջարկը ՀՀ կառավարության 2016 թվականի որոշմամբ (http://minurban.am/lows/files/182k.voroshum.pdf) Ադոնց փողոցի N 6/2 հասցեում 175 բնակարանով մեկնարկեց երկրորդ փուլը, իսկ բնակարանների բաշխումն իրականացվեց վիճակահանության մեկ փուլով:
Ադոնց փողոցի N 6/1 հասցեում կառուցվող բազմաբնակարան համալիրի ավարտը նախատեսվում է 2017թ. մարտ, իսկ 6/2-ում կառուցվող համալիրի ավարտը՝ 2018 թվականի դեկտեմբեր ամսին:
Տեղեկացնենք նաև, որ ՀՀ կառավարության 2016 թվականի նոյեմբերի 18-ի N 1209-Ն (http://minurban.am/lows/files/1209k.voroshum.pdf) որոշմամբ տրվել է Ծրագրի երրորդ փուլի մեկնարկը»:
Բաժանորդագրվեք մեր ալիքին Telegram-ում