Կառավարության աշխատանքային պլանում առկա է 140 գերակա խնդիր
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: Կառավարությունը հաստատեց 2017 թվականի գործունեության ծրագիրը: ՀՀ կառավարության աշխատակազմի ղեկավար-նախարար Դավիթ Հարությունյանը ներկայացնելով նախագիծը՝ նշեց, որ դրանով հաստատվում են կառավարության 2017թ. միջոցառումների ծրագիրը, գերակա խնդիրները, գործունեության միջոցառումների հիմնավորումները և գերակա խնդիրների հիմնավորումները:
«Կառավարության աշխատանքային պլանում առկա են 140 գերակա խնդիր, 160 միջոցառում: Առաջին անգամ նախատեսվում են նաև ենթախնդիրներ՝ սահմանվելով դրանց ժամանակացույցը», - «Արմենպրես»-ի փոխանցմամբ, նշեց Հարությունյանը:
ՀՀ նախագահի աշխատակազմի ղեկավար Արմեն Գևորգյանը վարչապետ Կարեն Կարապետյանին առաջարկեց հնարավորություն տալ ծրագիրը քննարկել ևս երեք օր՝ ժամկետների հետ կապված որոշ հարցեր շտկելու համար:
Բաժանորդագրվեք մեր ալիքին Telegram-ում