ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ: Անկարան Մոսկվայի հետ  երկխոսություն Է վարում Սիրիայի իրադրության կարգավորման վիճելի հարցերի, այդ թվում՝ Սիրիայի նախագահ Բաշար Ասադի ճակատագրի շուրջ: Այդ մասին, ինչպես տեղեկացնում Է «Արմենպրես»-ը, հայտարարել Է Թուրքիայի ԱԳ նախարար Մեւլյութ Չավուշօղլուն:

«Առաջին հերթին երկու երկրները ջանքեր են գործադրում կրակի դադարեցումն ապահվելու համար, մենք բանակցություններ ենք վարում երկկողմ մակարդակով, ինչպես նաեւ Սիրիայի բարեկամների միջազգային կազմակերպությունների շրջանակներում»,-ասել Է Չավուշօղլուն «Ռոսիա-24» հեռուստաալիքին տված հարցազրույցում:

Նրա խոսքով՝ Սիրիայում հակամարտության կարգավորման առավել ընդունելի եղանակը քաղաքականն Է, այլ ոչ թե ռազմականը, այդ հարցում ՌԴ-ի եւ Թուրքիայի միջեւ հայացքների անհամապատասխանություն չկա:

«Իհարկե, մենք տարաձայնություններ ունենք, թե ինչ հիմքի վրա պետք Է իրականացվի քաղաքական լուծումը գտնելը»,-նշել Է Թուրքիայի ԱԳ նախարարը:

«Սիրիայում զինադադարի եւ քաղաքական կարգավորման հասնելու համար Թուրքիայի եւ Ռուսաստանի դերը շատ մեծ Է: Եվ այստեղ մենք աշխատում ենք մոտեցնել մեր դիրքորոշումները, քանի որ տարածաշրջանի կայունության համար Ռուսաստանի եւ Թուրքիայի երկխոսությունը շատ կարեւոր Է»,-հավելել Է նա, հաղորդել Է ՌԻԱ Նովոստին: