Էյրոն և Նալբանդյանը կքննարկեն ԼՂ հակամարտության կարգավորման ՄԽ համանախագահների առաջարկները
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի և Ֆրանսիայի արտաքին գործերի նախարարներ Էդվարդ Նալբանդյանը և Ժան-Մարկ Էյրոն կքննարկեն երկկողմ հարաբերություններին և Լեռնային Ղարաբաղի հակամարտության կարգավորման գործընթացին առնչվող մի շարք հարցեր: Այդ մասին հայտարարել է Ֆրանսիայի ԱԳՆ պաշտոնական ներկայացուցիչ Ռոմեն Նադալը:
«Ժան-Մարկ Էյրոն այսօր կընդունի Հայաստանի իր գործընկեր Էդվարդ Նալբանդյանին: Դա հնարավորություն կտա նոր թափ հաղորդել ֆրանս-հայկական հարաբերություններին, մասնավորապես, երկկողմ համագործակցության երկու համաձայնագրերի օգնությամբ»,- ինչպես փոխանցում է «Արմենպրես»-ը, վկայակոչելով Ֆրանսիայի ԱԳՆ պաշտոնական կայքը, ասել է Նադալը:
Նադալի խոսքով, երկու նախարարները կքննարկեն ԵԱՀԿ Մինսկի խմբի առաջարկները, «որպեսզի բանակցությունների օգնությամբ գտնեն ԼՂ հակամարտության խաղաղ և տևական լուծում»:
Բաժանորդագրվեք մեր ալիքին Telegram-ում